Ստացել եմ կառավարության խոստումը, որ կփոխվի, այսպես կոչված, «Արտաքին ազդեցության թափանցիկության մասին» օրենքի բովանդակությունը, հայտարարել է Եվրախորհրդի գլխավոր քարտուղար Ալեն Բերսեն։
«Մենք կստեղծենք Վրաստանի և Եվրախորհրդի փորձագետներից աշխատանքային խումբ` ներառյալ Վենետիկի հանձնաժողովը, պարզելու այն փոփոխությունները, որոնք պետք է կատարվեն օրենսդրության մեջ»,- ասել է Բերսեն։
Բերսեն պաշտոնական այցով Վրաստան է ժամանել դեկտեմբերի 18-ին: Կոբախիձեի և Բերսեի առաջին հանդիպումը կայացել է դեկտեմբերի 18-ին։ Նույն օրը Բերսեն հանդիպել է «Վրացական երազանք»-ի հիմնադիր Բիձինա Իվանիշվիլիի հետ։
Դեկտեմբերի 19-ին ԵԽ գլխավոր քարտուղարը հանդիպում է ունեցել հոկտեմբերի 26-ի խորհրդարանական ընտրություններում անցողիկ շեմը հաղթահարած 3 ընդդիմադիր կուսակցությունների առաջնորդների հետ։
Եվրոպական խորհուրդը հայտարարել էր, որ Բերսի այցի հիմնական պատճառը երկրում լարվածությունն է, քաղաքական բանավեճերի ծայրահեղ բևեռացումը և բռնության ակտերը, որոնք տեղի են ունենում վերջին շաբաթներին։
