Հաջորդ տարվա պետական բյուջեն հետքայլ է, իսկ խնդիրներն ավելանալու են։ Լևոն Սարդարյանի հեղինակային «Առանց տողատակի» հաղորդմանը նման կարծիք է հայտնել ԱԺ «Հայաստան» խմբակցության պատգամավոր Թադևոս Ավետիսյանը։
Լևոն Սարդարյանն ու պատգամավորը զրուցում են տնտեսական վիճակի, հաջորդ տարվա բյուջեի, պետական պարտքի ավելացման մասին։
Թադևոս Ավետիսյանը հիշեցրել է գործող իշխանությունների՝ աղքատությունը կրկնակի կրճատելու խոստումը, նշել, թե 2025թ.-ի բյուջեի սոցիալական ուղղվածությունն այնպիսին է, որ այդ խոստումը կատարել չի հաջողվի, լավագույն դեպքում մոտենանք 2018թ.-ի ցուցանիշներին։
Հաջորդ տարի պետական պարտքի սպասարկումը կրկնակի է լինելու, պետպարտքն աճելու է 2.5 մլրդ դոլարով, չեն բարձրանալու թոշակները, նպաստները, իսկ գների ճնշումն ավելին է լինելու, քան կանխատեսվածը։ Անապահովները, ըստ պատգամավորի, ապրելու են ավելի վատ, քան այս տարի։
