Արամ Խաչատրյան համերգասրահում դեկտեմբերի 17-ին ժամը 19:00-ին տեղի կունենա «Aznavour 100» բարեգործական համերգը՝ Հայաստանի ազգային ֆիլհարմոնիկ նվագախմբի և դիրիժոր Էդուարդ Թոփչյանի մասնակցությամբ։
Համերգային ծրագրում, ֆրանսիացի տաղանդավոր արտիստ Ժյուլ Գրիսոնի կատարմամբ, կհնչեն մեծանուն երաժիշտ և բարերար Շառլ Ազնավուրի ամենահայտնի ու սիրված երգերը։
Երաժշտության գործիքավորումը մեծ սիմֆոնիկ նվագախմբի և մենակատարների համար իրականացել է ճապոնացի վիրտուոզ երաժիշտ Նոբույուկի Նակաջիմայը, որը համերգի ընթացքում հանդես կգա նաև որպես դաշնակահար։
Նախագծի պրոդյուսերն է Ժիլ Մարսալան, որը հայտնի է համաշխարհային ճանաչում ունեցող արվեստագետներին նվիրված երաժշտաթատերական նախագծերով։
Համերգի ողջ հասույթը կուղղվի 2016 թվականի 4-օրյա և 2020 թվականի 44-օրյա պատերազմների և դրանց հաջորդած մարտական գործողությունների մասնակից ուսանողների կրթական վճարների ապահովմանը։
Սա «4090 Բարեգործական» հիմնադրամի ամենամյա նախաձեռնությունն է՝ աջակցելու շուրջ 120 ուսանողի, որոնք կրթության միջոցով կարող են փոխել իրենց կյանքի որակը։
