Ռուս–ուկրաինական պատերազմի ավելի քան 1000 օրվա ընթացքում ռուս և ուկրաինացի սպանվածների ու վիրավորների թիվն անցել է 1 միլիոնը։ Ամերիկյան The Wall Street Journal թերթի հաշվարկներով՝ ռազմական գործողությունների ընթացքում սպանվել է 80 հազար ուկրաինացի և 200 հազար ռուս զինվորական։ Հակամարտությանը վերջ դնելու համար ԱՄՆ նորընտիր նախագահ Դոնալդ Թրամփը Ուկրաինայի ու Ռուսաստանի հարցով հատուկ ներկայացուցիչ է նշանակել 80-ամյա պաշտոնաթող գեներալ Քեյթ Քելոգին, որն էլ իր հերթին ամիսներ առաջ համահեղինակել է պատերազմը խաղաղ ճանապարհով ավարտելու գործողությունների ծրագիր։
