Հայաստանը` աշխարհի ամենաանվտանգ երկրների տասնյակում

Numbeo-ի 2024 թվականի հանցավորության և անվտանգության ինդեքսի համաձայն՝ Հայաստանն աշխարհի ամենաանվտանգ երկրների տասնյակում է։ Սանդղակում մեր երկիրը զբաղեցնում է 8-րդ տեղը:

2024 թվականի վարկանիշային աղյուսակը, որը ներառում է 1 միլիոնից ավելի բնակչություն ունեցող 146 երկիր, ընդգծում է Հայաստանի դիրքը՝ որպես իր տարածաշրջանում անվտանգության ոլորտում առաջատար։

Հատկանշական է, որ եթե բացառվեն մեկ միլիոնից ցածր բնակչություն ունեցող երկրները, ապա Հայաստանը բարձրանում է 5-րդ տեղը աշխարհի ամենաանվտանգ երկրների շարքում։

Այս ճշգրտումն ընդգծում է Հայաստանի անվտանգության տպավորիչ դիրքը նույնիսկ ավելի մեծ երկրների շրջանում:

Հարևան Վրաստանը զբաղեցնում է 20-րդ տեղը (73,9 միավոր), Ադրբեջանը՝ 33-րդը (68,4 միավոր), Ռուսաստանը՝ 51-րդը (60,9 միավոր), Թուրքիան՝ 53-րդը (59,1 միավոր), Իրանը 90-րդն է (50,5 միավոր)։

Համաշխարհային առումով ինդեքսը գլխավորում է Անդորրան՝ 87,1 միավորով, որին հաջորդում են ԱՄԷ-ն (84,4 միավոր), Քաթարը (84,0 միավոր), Թայվանը (83,3 միավոր), Օմանը (81,0 միավոր):

Մյուս առաջատար երկրներն են Մեն կղզին (79,5 միավոր), Հոնկոնգը (78,2 միավոր), Ճապոնիան (77,4 միավոր) և Սինգապուրը (76,5 միավոր):

Հայաստանը գտնվում է Հոնկոնգի 7-րդ և Ճապոնիայի 9-րդ տեղերի միջև՝ ցուցադրելով անվտանգության իր վստահությունը։

Սպեկտրի մյուս ծայրում անվտանգության ամենացածր միավորներ ունեցող երկրներն են Աֆղանստանը, Պապուա Նոր Գվինեան և Վենեսուելան՝ ընդգծելով գլոբալ անվտանգության մակարդակների կտրուկ հակադրությունները:

Հայաստանի բարձր վարկանիշն արտացոլում է նրա շարունակական ուշադրությունը անվտանգության և կայունության վրա՝ դարձնելով այն աչքի ընկնող ուղղություն ոչ միայն իր տարածաշրջանում, այլև աշխարհում։