Հաագայի դատարանը Նեթանյահուին ձերբակալելու օրդեր է տվել

Միջազգային քրեական դատարանը Իսրայելի վարչապետ Բենյամին Նեթանյահուին եւ պաշտպանության նախկին նախարար Յոավա Գալանտին ձերբակալելու օրդեր է տվել։ Նրանք մեղադրվում են Գազայի հատվածում ռազմական հանցագործությունների մեջ։

ՄՔԴ-ն հայտարարել է, որ իր որոշման համար Իսրայելի կողմից դատարանի իրավասության ճանաչումը չի պահանջվում, հայտնում է Բի Բի Սի-ն։

Հաագայում գործող Միջազգային քրեական դատարանը ձերբակալման օրդեր է տվել նաեւ ՀԱՄԱՍ-ի առաջնորդ Մուհամմադ Դիաբա Իբրահիմ ալ Մասրիին։

Իսրայելցի զինվորականները օգոստոսին հայտարարել էին, որ ալ Մասրին հուլիսի 13-ին զոհվել է Գազայում ավիահարվածից։