ԱՄՆ նորընտիր նախագահ Դոնալդ Թրամփը հայտարարել է Առողջապահության և սոցիալական ծառայությունների նախարարի պաշտոնում Ռոբերտ Քենեդի կրտսերին առաջադրելու իր որոշման մասին։
«Ուրախ եմ հայտարարել, որ Ռոբերտ Քենեդի կրտսերը կդառնա Միացյալ Նահանգների առողջապահության և սոցիալական ծառայությունների նախարարը: Շատ երկար ժամանակ ամերիկացիները տուժել են սննդարդյունաբերական և դեղագործական ընկերություններից,
որոնք հանրային առողջության հարցերում դիմել են խաբեության և ապատեղեկատվության»,- գրել է Թրամփը Truth սոցիալական ցանցի իր էջում։
Ռոբերտ Քենեդի կրտսերը նախկինում եղել է Դեմոկրատական կուսակցության անդամ, վերջին ընտրություններում առաջադրվել է որպես անկախ թեկնածու, իսկ ավելի ուշ որոշել է աջակցել Թրամփին՝ վկայակոչելով նմանատիպ դիրքորոշումները որոշ առանցքային հարցերի, այդ թվում՝ խոսքի ազատության և տնտեսական անկախության վերաբերյալ:
Քենեդին նշել է, որ փոփոխությունների անհրաժեշտության և ամերիկյան արժեքների ամրապնդման նկատմամբ իր վստահությունն է նման որոշման պատճառը։ Բացի այդ, նա աջակցություն է հայտնել էլիտաների ազդեցությունը նվազեցնելու քաղաքականությանը։
