Ինքնաթիռները դատարկ գալիս ու ծանրաբեռնված մեկնում են․ իրավիճակը Լիբանանում

Իսրայելական զորքերի ու «Հըզբոլլահ»-ի միջև շարունակվող ռազմական հակամարտության հետևանքով երկրում արդեն 1 միլիոնից ավելի ներքին տեղահանված կա։ Օր օրի տագնապն ու ապագայի նկատմամբ անորոշությունն ավելի են խորանում՝ «Ռադիոլուրին» պատմել է Մեծի Տանն Կիլիկիո կաթողիկոսության հայագիտական կենտրոնի տնօրեն Ահարոն Շխրտմյանը։

Տեղի հայ համայնքում այս պահի դրությամբ կորուստներ ու վնասներ չկան, սակայն հետզհետե ավելանում է երկիրը լքել ցանկացողների թիվը։ Շխրտմյանն ասել է՝ օդանավերը դատարկ գալիս են ու գերբեռնված հեռանում Բեյրութից։