Շառլ Ազնավուրի ծննդյան 100-ամյակի կապակցությամբ Lamoureux նվագախումբը Օքսմո Պուչինոյի, Զազի և Չառլ Ուինսթոնի մասնակցությամբ նոյեմբերի 21-ին և 23-ին Palais des Congrès-ում մեկ անգամ ևս կներկայացնի «Մեծն Շառլ»-ի երգացանկը:
Հարգանքի տուրք մատուցելու համար նրա որդին՝ Միշա Ազնավուրը, ընտանիքի աջակցությամբ որոշել է երկու սիմֆոնիկ համերգ նվիրել հոր հիշատակին։
Երաժշտական այս միջոցառումը կհամախմբի շուրջ 80 երգչի՝ Շառլ Ազնավուրի տաղանդի երկրպագուներին։
Lamoureux Orchestra-ն, հետևելով «Ազնավուր» հիմնադրամի խորհրդին, նախապատվություն է տվել Ազնավուրի ամենագեղեցիկ երգերից մի քանիսին: Համերգին կմասնակցեն ժամանակակից երգիչներ և ռեփերներ։
Զազը Instagram-ում արդեն գրել է. «Ես այնքան հպարտ եմ, որ կարող եմ մասնակցել այս գեղեցիկ նախագծին»:
Հարգանքի այս տուրքը հնարավորինս վառ և նոստալգիկ դարձնելու համար Palais des Congrès–ում կարևոր էր մի մարդու ներկայությունը, որը նվագակցել է Մեծն Շառլին տարբեր բեմերում: Այս երաժիշտը դաշնակահար Էրիկ Բերշոնն է, որը ֆրանսահայ երգչի հետ շրջագայել է աշխարհով մեկ:
