Ուկրաինայի նախագահ Վլադիմիր Զելենսկին հայտարարել է, որ իր զորքերի ներխուժումը Ռուսաստանի Կուրսկի շրջան «հաղթանակի ծրագրի» մի մասն է, որը նա կներկայացնի ԱՄՆ նախագահ Ջո Բայդենին հաջորդ ամիս, հայտնում է BBC-ն։
Երեքշաբթի օրը ելույթ ունենալով՝ նախագահ Զելենսկին ասել է, որ ծրագրի հաջողությունը կախված կլինի նախագահ Բայդենից և նրանից, թե արդյոք ԱՄՆ-ն Ուկրաինային կտա «այն ինչ կա այս ծրագրում, թե ոչ, և արդյոք մենք ազատ կլինենք օգտագործել այդ ծրագիրը, թե ոչ»։
«Դա կարող է ոմանց համար չափազանց հավակնոտ թվալ, բայց մեզ համար դա կարևոր ծրագիր է», — ավելացրել է նա՝ ասելով, որ ծրագիրը ցույց կտա նաև ԱՄՆ նախագահի թեկնածուներ Քամալա Հարիսին և Դոնալդ Թրամփին։
Զելենսկին նաև հայտնել է, որ Ուկրաինան վերջերս իրականացրել է հայրենական արտադրության բալիստիկ հրթիռի առաջին հաջող փորձարկումը։ Նա շնորհավորել է իր երկրի պաշտպանական արդյունաբերությանը, սակայն հրաժարվել է կիսվել հրթիռի մասին այլ մանրամասներով:
