Չեխիայի մայրաքաղաք Պրահայում շարունակվում է 2024 թվականի շախմատի Եվրոպայի պատանիների առաջնությունը:
Մինչև 12 տարեկան պատանիների խմբում Տիգրան Համբարձումյանը հաղթել է բոլոր խաղերում և ունի 4 միավոր:
Ինչպես հայտնում են Հայաստանի շախմատի ֆեդերացիայից, Հայաստանի 4 ներկայացուցիչ, որոնք ունեն 3.5 միավոր, նույնպես առաջատարների շարքում են իրենց տարիքային խմբերում:
Ռոբերտ Փիլիպոսյանը ունի 3.5 միավոր մինչև 18 տարեկան պատանիների խմբում:
Անահիտ Մուրադյանը ունի 3.5 միավոր մինչև 18 տարեկան աղջիկների խմբում:
Բենիկ Ագասարովը ունի 3.5 միավոր մինչև 16 տարեկան պատանիների խմբում:
Վոլոդյա Թորոսյանը ունի 3.5 միավոր մինչև 14 տարեկան պատանիների խմբում:
Այսօր Հայաստանի ժամանակով 17:00-ին կմեկնարկի առաջնության 5-րդ խաղափուլը:
