Հաջողությունը ոչ թե այն է, ինչին հասել ես, այլ այն, թե ինչպես ես հասել․ նկարիչ-դիզայներ Մանե Աբրահամյան. «Հաջողության նոտա»

Նկարիչ-արվեստագետների ընտանիքում ծնված Մանե Աբրահամյանը գերազանցությամբ է ավարտել Փանոս Թերլեմեզյանի անվան գեղարվեստի պետական քոլեջը և Երևանի Գեղարվեստի պետական ակադեմիան։ Նկարել է դեռ վաղ տարիքից, իսկ աշխատել սկսել է ուսանողական տարիներից, Սարյանի տուն–թանգարանում որպես արվեստի ուսուցիչ և ծրագրերի համակարգող։ Արդեն մեկ տարի է, ինչ հիմնել է իր սեփական՝ «Մանե» ապրանքանիշը։ «Շատ բարդ ուղի եմ անցել այս մասնագիտական կետին հասնելու համար, ինձ ոչինչ հեշտ չի տրվել և ես միշտ հպարտանում եմ իմ դժվարություններով», — ասում է Մանեն։