Ռադիոլուր

Արեւմտահայերէն լուրեր 19 Յունիս. 2024

Հայաստանի Արտաքին գործոց նախարարութիւնը յայտարարութիւն մը տարածեց՝ նշելով, որ Հայաստան-Ֆրանսա ռազմական համագործակցութեան վերաբերեալ պաշտօնական Պաքուի արձագանգը տարակուսանքի տեղիք կու տայ: Մարտունակ եւ ժամանակակից սպառազինուած բանակ ունենալը որեւէ երկրի ինքնիշխան իրաւունքն է:

Հայաստանի վարչապետ Նիկոլ Փաշինեան հեռախօսակապով շնորհաւորած է Թուրքիոյ նախագահը Քուրպան Պայրամի առիթով, քննարկուած են տարածաշրջանի եւ միջազգային օրակարգի վերջին զարգացումները։
Հայաստանի Լոռի եւ Տաւուշ մարզերուն մէջ, Մայիսին պատահած յորդառատ անձրեւներուն պատճառով շատ վնասներ կրած գիւղերուն աջակցելու նպատակով, Եւրոպական Միութիւնը կը յատկացնէ 100 հազար եուրօ մարդասիրական օգնութիւն:

Back to top button