ԿարևորՀասարակություն

«Տավուշը հանուն հայրենիքի» շարժման ակտիվիստները կրկին Բաղրամյան պողոտայում են

«Տավուշը հանուն հայրենիքի» շարժման ակտիվիստները Կառավարության շենքի մոտից կրկին վերադարձել են Բաղրամյան պողոտա։

Այսօր անհնազանդության ակցիայի ժամանակ Ոստիկանությունը լուսաձայնային նռնակներ է կիրառել Բաղրամյան պողոտայում Ազգային Ժողովի շենքի մոտ։

Որից հետո շարժման մասնակիցները երթով գնացել են կառավարության շենքի մոտ՝ ճշտելու, թե արդյոք ՀՀ վարչապետ Նիկոլ Փաշինյանը շենքում է։

Ավելի վաղ Կառավարություն-ԱԺ հարցուպատասխանի ժամանակ վարչապետը հայտարարել էր, որ Ոստիկանությունն իրականացրել է օրենքով իրեն վերապահված գործառույթները՝ խստիվ օրենքի շրջանակներում։

Ոստիկանությունը հայտարարություն էր տարածել՝ կոչ անելով զերծ մնալ հակաիրավական գործողություններից և չհրահրել բախումներ։

ՀՀ ԱՆ-ից հայտնում են, որ ժամը 00։00-ի դրությամբ Բաղրամյան պողոտայում տեղի ունեցած իրադարձությունների հետևանքով բուժօգնության է դիմել 98 քաղաքացիական անձ և ոստիկան։

Ձեռքի դաստակի վնասվածքով պացիենտը վիրահատվում է։

Back to top button