Այսօր Հայ Առաքելական Եկեղեցին տոնում է Ավետումն Սբ. Աստվածածնի: Բոլոր եկեղեցիներում կմատուցվի Ս. Պատարագ:
Հայ առաքելական եկեղեցին արդեն 17 դար նշում է որպես Սուրբ Մարիամ Աստվածածնի Ավետման տոն:
Նազարեթում Գաբրիել հրեշտակը այս օրը ավետիս տվեց 14-ամյա Մարիամին` Աստծո զորությունը քեզ հետ կլինի, կծնես որդի, անունը կլինի Հիսուս, եւ հավերժական կլինի նրա թագավորությունը, ասաց հրեշտակը: Դրանից 9 ամիս հետո` հունվարի 6-ին ծնվեց Փրկիչը:
Հայաստանում ապրիլի 7-ին նշվում է Մայրության և գեղեցկության տոնը։
Կինն Աստծուց ժառանգել է արարչագործության պսակը՝ մարդ ստեղծելու շնորհը, կարողությունը:
Այսօր բոլոր եկեղեցիներում կատարվում է մայրերի և հղիների օրհնության կարգ:
