2024 թվականի մարտի 6-ին «ՀայՓոստ» ՓԲԸ-ն իրականացրել է «Նամականիշերի զարմանահրաշ աշխարհում» ֆիլատելիստական գրքի շնորհանդեսը: Այն եզակի ֆիլատելիստական մանկական ուղեցույց է, որը հնարավորություն է տալիս երեխաներին պատկերացում կազմել նամականիշների զարմանահրաշ աշխարհի մասին, հասկանալ ֆիլատելիստական բազում «ինչո՞ւ»-ների պատասխանները:
Միջոցառմանը ներկա էին Հայաստանի Հանրապետության բարձր տեխնոլոգիական արդյունաբերության նախարարի տեղակալ Ավետ Պողոսյանը, «Հայփոստ» ՓԲԸ-ի գլխավոր գործադիր տնօրեն Արայիկ Աբրահամյանը, Ֆիլատելիստների հայկական ասոցիացիայի նախագահ Հովիկ Մուսայելյանը: Միջոցառմանը ներկա էին նաև երևանյան դպրոցների բազմաթիվ աշակերտներ:
