Ռադիոլուր

Արեւմտահայերէն լուրեր 28 Փետրուար. 2024

Աթէնքի մէջ տեղի ունեցաւ վարչապետ Նիկոլ Փաշինեանի հանդիպումը Կոնստանթինոս Թասուլասի հետ: Յունաստանի խորհրդարանի նախագահը ողջունեց վարչապետի այցը Յունաստան եւ ընդգծեց երկու երկիրներուն միջեւ առկայ բազմադարեայ բարեկամական յարաբերութիւններու փաստը: Հայաստանի վարչապետը պարգեւատրուեցաւ Յունաստանի խորհրդարանի ոսկէ մետալով:

Պաշտօնական այցով Իրաք գտնուող նախագահ Վահագն Խաչատուրեան եւ Իրաքի նախագահը իրենց առանձնազրոյցի եւ երկու երկիրներու պատուիրակութիւններու ընդլայնուած կազմերով հանդիպման արդիւնքները ամփոփեցին լրատուամիջոցներուն համար յայտարարութիւններով: Ապրիլ 15-26 ՄԱԿ Արդարադատութեան միջազգային դատարանին մէջ տեղի պիտի ունենան լսումներ՝ Հայաստան ընդդէմ Ատրպէյճանի եւ Ատրպէյճան ընդդէմ Հայաստանի գործերով։

Այս մասին ըսաւ Մարդկային իրաւանց դատարանին մէջ Հայաստանի ներկայացուցիչ՝ Եղիշէ Կիրակոսեան։ Մարսէյլի դպրոցներէն մէկը պիտի կոչուի Ֆրանսական դիմադրութեան հերոս, Հայոց ցեղասպանութիւնը վերապրած Միսաք Մանուշեանի եւ կնոջ՝ Մելինէ Մանուշեանի անուններով, ըսած է Մարսէյլի քաղաքապետը:

Back to top button