ԿարևորՄշակույթ

Հայաստանի «Թաթուլ Ալթունյանի» անվան պետական անսամբլը համերգներով հանդես կգա Ֆրանսիայում

Փետրվարի 28-ից մարտի 29-ը ՀՀ ժողովրդական երաժշտության և պարի ազգային կենտրոնի կազմում գործող Հայաստանի «Թաթուլ Ալթունյանի» անվան պետական անսամբլը բացառիկ համերգներով հանդես կգա Ֆրանսիայի մի շարք քաղաքներում։

Շրջագայության ընթացքում նախատեսվում է շուրջ 23 համերգ Ֆրանսիայի Բրետանյը, Օքսիտանիա, Նոր Ակվիտանիա, Օվերնյ-Ռոն-Ալպ, Լուարի երկիր և Վալ դը Լուար ռեգիոններում։ «Թաթուլ Ալթունյանի» անվան պետական անսամբլը հանդիսատեսին կներկայացնի հայկական ժողովրդական երգն ու պարը, ազգային նվագարաններն ու տարազները։

Բացառիկ այս հյուրախաղերը կկայանան ֆրանսիական կողմի հրավերով՝ ի դեմս «S.A.S. SPECTACLES DE TOUS PAYS» կազմակերպության, ՀՀ կրթության, գիտության, մշակույթի և սպորտի նախարարության և Ֆրանսիայում Հայաստանի Հանրապետության դեսպանության աջակցությամբ։

Շրջագայությունը կիրականացվի հետևյալ ժամանակացույցով՝

  • Փետրվարի 28, «Գրան կլոզ» համերգասրահ, Սենթ Դոմնիյոկ
  • Փետրվարի 29, «Ռենե դ’Անժուի անվան մշակութային կենտրոն, Ալտրեա համերգասրահ», Բոժ ան Անժու
  • Մարտի 4, «Բարիեր խաղատան» համերգասրահ, Թուլուզ
  • Մարտի 5, «Ֆրանսուա Միտերանի անվան կենտրոն», Ֆիժեակ
  • Մարտի 6, «Պալիո» համերգասրահ, Բուլազակ
  • Մարտի 7, «Արլեքին» համերգասրահ, Մոզակ
  • Մարտի 9, «Միրաժ» համերգասրահ, Մեզոս
  • Մարտի 11, «Սալիկորն» համերգասրահ, Սոժոն
  • Մարտի 12, «Կոնգրեսների պալատ», Լը Մանս
  • Մարտի 13, Ժորժ Բրասենս կենտրոն, Ֆեյտիատ
  • Մարտի 15, «Էթուալ դը Ժադ կենտրոն», Սենթ Բրեվեն
  • Մարտի 16, «Մուլտիմեդիայի սրահ», Լ’Անկլուատրը
  • Մարտի 17-ին, «Մուլտիմեդիայի սրահ»Լ’Անկլուատրը
  • Մարտի 19-ից 28-ը (բացառությամբ մարտի 24-ի), «Ժորժ Սանդի անվան կենտրոն», Շեսի
  • Մարտի 29, «Սոգոնա սրահ», Մամերս
Back to top button