Նախորդ տարի Երևանի քաղաքապետարանի նախաձեռնությամբ կազմակերպված սուրբծննդյան տոնավաճառի տաղավարների մատուցած ծառայությունները որակապես չեն համապատասխանել համայնքի սահմանած չափորոշիչներին ու պահանջներին, ուստի երևանցիներին լավագույն որակի ծառայություններ մատուցելու նպատակով այս տարի որոշում է կայացվել սուրբծննդյան տոնավաճառի տաղավարները տրամադրել առանձին կազմակերպությունների, հայտնում են Երևանի քաղաքապետարանից։
Նշվում է, որ դրանց տեղերն այլևս սպառված են։ Սուրբծննդյան տոնավաճառի առանձին հատված տրամադրվելու է Լեռնային Ղարաբաղից բռնի տեղահանված անձանց։
Լրացուցիչ հարցերի դեպքում կարելի է դիմել Երևանի քաղաքապետարանի աշխատակազմի արտաքին ձևավորման և գովազդի վարչություն՝ զանգահարելով 011514212 հեռախոսահամարով:
