ԿարևորՌադիոլուր

Արեւմտահայերէն լուրեր 19 Հոկտեմբեր. 2023

Այսօրուան դրութեամբ Լեռնային Ղարաբաղէն բռնի տեղահանուած աւելի քան 3000 անձ Հայաստանէն դուրս ելած է: Այդ մասին Կառավարութեան՝ 19 Հոկտեմբերի նիստին ըսաւ Հայաստանի վարչապետ Նիկոլ Փաշինեան: «Մեր բոլորին քաղաքական եւ յստակ ուղերձը պիտի ըլլայ այն, որ մենք չենք ուզեր եւ կոչ կ՛ընենք չդիտարկել Հայաստանէն արտագաղթելու, Հայաստանէն հեռանալու տարբերակը»,- խօսքը ամփոփելով՝ ըսաւ Փաշինեան։

Հայաստանի Արտաքին գործոց նախարար Արարատ Միրզոյեան ընդունեց Հայաստանի մէջ Գանատայի նորանշանակ դեսպան Էնտրիւ Թըրնըրը՝ հաւատարմագրերու պատճէնը յանձնելու կապակցութեամբ, կը յայտնեն Հայաստանի Արտաքին գործոց նախարարութենէն։

19 Հոկտեմբերին Սէուտեան Արաբիոյ մէջ տեղի ունեցած արտաքին գործոց նախարարներու արտահերթ հանդիպման արդիւնքով Իսլամական համագործակցութեան կազմակերպութիւնը խստօրէն դատապարտած է Իսրայէլին՝ ՀԱՄԱՍ-ի դէմ գործողութիւնները անուանելով «դաժան ռազմական յարձակումներ»:

Յառաջիկայ ամիսներուն Հայաստանի պետական սիմֆոնիկ նուագախումբի համերգներու տոմսերը պիտի վաճառուին նուազագոյն արժէքով՝ քաջալերելով բոլորին յաճախել համերգներու եւ տեղւոյն վրայ կատարել հանգանակութիւններ։ Այսօր կարեւոր է իւրաքանչիւրիս ներդրումը։

Back to top button