Ռադիոլուր

Արեւմտահայերէն լուրեր 04 Հոկտեմբեր. 2023

Հայաստանի Արտաքին գործոց նախարարութիւնը խստօրէն կը դատապարտէ Ատրպէյճանի կողմէն Լեռնային Ղարաբաղի առաջնորդներուն՝ Արկադի Ղուկասեանի, Բակօ Սահակեանի, Արայիկ Յարութիւնեանի, Դաւիթ Իշխանեանի, Ռուբէն Վարդանեանի եւ այլոց ձերբակալութիւնները։ Հայաստանի Հանրապետութիւնը կը ձեռնարկէ բոլոր հնարաւոր քայլերը ապօրինաբար ձերբակալուած Լեռնային Ղարաբաղի ներկայացուցիչներուն իրաւունքները միջազգային՝ դատական ատեաններու մէջ պաշտպանելու համար։
Վարչապետ Նիկոլ Փաշինեան ընդունեց նախարար Քաթրին Քոլոնան: Ողջունելով նախարարին գլխաւորած պատուիրակութիւնը Հայաստանի մէջ՝ վարչապետը նախ շնորհակալութիւն յայտնեց Ֆրանսային եւ նախագահ Մաքրոնին, ինչպէս նաեւ նախարարին՝ այս դժուար ժամանակներուն Հայաստանի կողքին ըլլալու, նաեւ Լեռնային Ղարաբաղի մէջ ցեղային զտումներու վերաբերեալ յստակ դիրքորոշում արտայայտելու համար:
Եւրոպական խորհրդի ղեկավար Շառլ Միշէլ դեռ կը փորձէ Հայաստանի եւ Ատրպէյճանի ղեկավարներու հանդիպում կազմակերպել Եւրոպական քաղաքական համայնքի գագաթնաժողովի շրջանակներուն մէջ, որը տեղի պիտի ունենայ 5 Հոկտեմբերին Սպանիոյ Կրանատա քաղաքը։

Back to top button