Ժամը 20․00-ի դրությամբ Երևանի ավագանու ընտրություններին մասնակցել է ընտրողների 28,46%-ը

Ժամը 20․00-ի դրությամբ Երևանի ավագանու ընտրություններին մասնակցել է ընտրողների 28,46%-ը կամ 234 553 մարդ:

Այս մասին ԿԸՀ ասուլիսում ասել է Կենտրոնական ընտրական հանձնաժողովի նախագահ Վահագն Հովակիմյանը։

«Այս ցուցանիշը Երևան քաղաքի համար ցածր է, մասնակցության նման ցածր ցուցանիշ ես չեմ հիշում, բայց վերջին ընտրությունների դինամիկան անընդհատ գնացել է դեպի նվազում։ Բայց սա ընտրողների որոշումն է, ինչպես քվեարկելն է իր իրավունքը, այնպես էլ` չքվեարկելը»,– ասել է ԿԸՀ նախագահը։

2018-ին Երևանի ավագանու ընտրություններին մասնակցել էր 370,323 քաղաքացի (43.65%)։