Արդէն 6-րդ օրնէ, 360 թոն սնունդով ու դեղորայքով բեռնատարները դեռ կանգնած են։ 26 Յուլիսի առաւօտեան, մարդասիրական 19 բեռնատարները Երեւանէն ճամփայ ելան դէպի Կոռնիձոր: Այս բեռները նախատեսուած են Լեռնային Ղարաբաղի բնակիչներուն համար, որոնք 15 Յունիսէն կը գտնուին ամբողջական շրջափակման մէջ: Առաջին անհրաժեշտութեան սնունդը Լեռնային Ղարաբաղի հայրենակիցներուն ուղարկեց Հայաստանի Կառավարութիւնը:
Միացեալ Նահանգներու պետական քարտուղարը խօսած է Ատրպէյճանի նախագահին հետ։ Այս մասին Էնթընի Պլինքըն գրածէ Twitter-ի մէջ ՝ նշելով, որ Ամերիկան խոր մտահոգութիւն յայտնած է Իլհամ Ալիեւին Լեռնային Ղարաբաղի մէջ մարդասիրական վատթարացող պայմաններուն կապակցութեամբ։
Ատրպէյճանի կողմէն առեւանգուած՝ Վագիֆ Խաչատրեանի նկատմամբ առկայ չէ միջազգային հետախուզում, յայտարարեց Հայաստանի մարդու իրաւունքներու պաշտպան Անահիտ Մանասեան։
5 Օգոստոսին, Կիւմրիի մէջ տեղի պիտի ունենայ Համահայկական ամառնային ութերորդ խաղերու բացման հանդիսաւոր արարողութիւնը։
