Սահմանապահ Խաչիկում «Արև է ելել»

Սահմանապահ Խաչիկ հասնում ենք սարերի ու ամպերի միջով։ Ճանապահի մի կողմում թշնամու կրակոցներից պաշտպանող պատնեշներն են, մյուս կողմում՝ խաղաղ բնությունը, իսկ ոչ շատ հեռու՝ սարերի արանքում՝ թշնամու դիրքերն ու Նախիջևանը։

Սահմանապահ գյուղի սովորական առօրյան իրարանցումով է լցվել․ երեխաներն իրար հերթ չեն տալիս, որ Երևանից միկրոֆոնով ու տեսախցիկով եկածներին առաջինը պատմեն իրենց գյուղի մասին։

2020–ի պատերազմից հետո երիտասարդների մի խումբ որոշել է համայնքները նաև արվեստով ու մշակույթով զարգացնել։ Ծրագրի մեկնարկից մեկ տարի անց գյուղում ամփոփել են արդյունքները։