Սոցցանցերում շրջանառվող տեսանյութում երևում է, թե ինչպես են ադրբեջանցի սահմանապահները փորձում բարձրացնել իրենց դրոշը Հայաստանի տարածքում։ Կադրերում երևում է, որ ադրբեջանցի զինծառայողներին ուղեկցում են ռուս խաղաղապահները։
Հունիսի 15-ին՝ ժամը 08:40-ի սահմաններում, Ադրբեջանի սահմանապահ ծառայության մի խումբ զինծառայողներ Հակարիի կամրջի ուղղությամբ առաջխաղացման փորձ են կատարել՝ ՀՀ տարածքում դրոշ տեղադրելու նպատակով:
Հայկական կողմի ձեռնարկած միջոցների արդյունքում ադրբեջանցի զինծառայողների առաջխաղացման և ՀՀ տարածքում դրոշ տեղադրելու փորձը կանխվել է:
