19 Մայիսին՝ Մոսկուայի մէջ Հայաստանի, Ատրպէյճանի եւ Ռուսաստանի Արտաքին գործոց նախարարները կը հանդիպին։ Իսկ 25 Մայիսին Մոսկուայի մէջ եռակողմ հանդիպման առաջարկ ստացած ենք Ռուսաստանի նախագահէն, երէկ կառավարութեան նիստին յայտարարեց վարչապետ Նիկոլ Փաշինեան։ Ատրպէյճան Արցախի մէջ կիրառած է հրաձգային զէնք եւ նռնականետ խախտելով հրադադարը շփման գիծի հիւսիսային, արեւելեան եւ կեդրոնական ուղղութեամբ։
Բարեբախտաբար Հայկական կողմը կորուստներ չունի։ Հրադադարի խախտման մասին հաղորդուած է Ռուսաստանի խաղաղապահ զօրակազմի հրամանատարութեան։ 19 Մայիս ժամը 10։00-ի դրութեամբ շփման գիծին իրավիճակը յարաբերականօրէն կայուն է։ Հայաստանի պետական սիմֆոնիկ նուագախումբի գեղարուեստական ղեկավար, Մալթայի ֆիլհարմոնիկ նուագախումբի գլխաւոր խմբավար Սերկէյ Սմբատեանը նշանակուած է ԵՈՒՆԻՍԵՖ-ի ազգային դեսպան։
