Ռուսաստանի մայրաքաղաքի Կարմիր հրապարակում սկսվել է Հայրենական մեծ պատերազմում հաղթանակի 78-րդ տարեդարձին նվիրված շքերթը։
Դրոշակախումբը Կարմիր հրապարակ է բերել Ռուսաստանի դրոշը և Հաղթանակի դրոշը, որը 1945 թվականին 150-րդ Իդրիցկայա դիվիզիայի զինվորները բարձրացրել են Ռայխստագի վրա:
Կենտրոնական ամբիոնում են ՌԴ նախագահ Վլադիմիր Պուտինը, Հայաստանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի ղեկավարներ Նիկոլ Փաշինյանը, Ալեքսանդր Լուկաշենկոն, Կասիմ-Ժոմարտ Տոկաևը, Սադիր Ջապարովը, Էմոմալի Ռահմոնը, Սերդար Բերդիմուհամեդովը և Շավքաթ Միրզիյոևը, ինչպես նաև վետերաններ և միջոցառման հյուրեր: Շքերթը վարում է ՌԴ պաշտպանության նախարար, բանակի գեներալ Սերգեյ Շոյգուն՝ բանակի ցամաքային զորքերի գլխավոր հրամանատար, գեներալ Օլեգ Սալյուկովի հրամանատարությամբ։ Շքերթին պատրաստ լինելու մասին նախարարի զեկուցումից հետո երկրի գլխավոր հրապարակի ամբիոնից երկրի ղեկավարը դիմել է ռուսաստանցիներին։
Շքերթը կբացեն գեներալ-լեյտենանտ Վ.Մ.Խալիլովի անվան Մոսկվայի ռազմական երաժշտական դպրոցի սուվորովցիները։ Ակնկալվում է, որ միջոցառմանը կմասնակցի ավելի քան 10 հազար մարդ և 125 միավոր զենք ու զինտեխնիկա։ Երաժշտական նվագակցությամբ հանդես կգան ավելի քան 40 զինվորական նվագախմբեր՝ միավորված, համախմբված խմբի մեջ:
