Սաթիկ Իսհակյան
«Ռադիոլուր»
Արագածոտնի մարզի Արտենի համայնքի թիվ 2 հիմնական դպրոցը վերանորոգման կարիք ունի, կոսմետիկ նորոգումները չեն թաքցնում քանդվող առաստաղն ու դպրոցի հնությունը, աշակերտների թվով պայմանավորված ջեռուցումնը նույնպես հիմնախնդիր է, իսկ թիվ 1 դպրոցում պայմանները բարելավված են, միայն մարզադահլիճի ու նիստերի դահլիճի վերանորոգման անհրաժեշտություն ունեն:
Պարի ուսուցման հերթական պարապմունքն է ընթանում Արագածոտնի մարզի Արտենի համայնքի միջնակարգ դպրոցում, որտեղ աշակերտները պատրաստվում են ակտիվորեն մասնակցել «Հայ ասպետ» հեռուստախաղին : 6-7-րդ դասարանների աշակերտներն ուսումնասիրում են ժողովրդական , ազգագրական պարերը, պատմությունն ու աշխարհագրություննև, բոլոր այն թեմաները, որոնք առաջադրվում են մրցույթում: Պարապմունքներն անցկացնում են ստեղծագործարան կոչվող ինտերակտիվ դասարանում, ինչն էլ հագեցած է նոր գույքով ուն էլեկրոնային ինտերակտիվ գրատախտակ, որի միջոցով սովորում են ոչ միայն պարն ու երգը, այլև բոլոր առարկաներից հետաքրքրող թեմաները: Ժողովրդական, ազգագրական երգի պատմությունն իմանալը նույնպես կարևոր է:
Սևակ Խլղաթյանը քիչ հուզմունքով ներկայացրեց Թամզարա պարի ստեղծման պատմությունը: Աշակերտները վերլուծում էին նաև Վախթանգ Անանայանյի պատմվածքներն ու փորձում ամբողջական նկարագրել գեղարվեստական հատվածները: Արտենիի միջնակարգ դպրոցի սովորողները հաղթանակի տրամադրվածությամբ են մասնակցելու «Հայ ասպետին»: «Եթե մասնակցում ես, պետք է հաղթես» նշանաբանը դպրոցի տնօրեն Մանուշ Շատոյանինն է:
Արտենիի 320 աշակերտ ունեցող թիվ 1 միջնակարգ դպրոցում պետբյուջեի և տարբեր բարեգործական կազմակերպությունների միջոցով փոքրիշատե պայմանները բարելավվել են` բավարար չափով դասընթացները կազմակերպելու նպատակով: Ունեն կահավորված և անհրաժեշտ սարքավորումներով հագեցած ֆիզիկայի լաբորատորիա:
Տարրական դպրոցի հատվածը հիմնանորոգվել է, եռահարկ մասնաշենքը նույնպես, սակայն անմխիթար վիճակում են մնացել մարզադահլիճն ու նիստերի դահլիճը: Մարզադահլիճի հիմնանորոգման համար արդեն ունեն հովանավոր գերմանահայ համայնքից : Առողջ ապրելակերպը ձևավորվող մշակույթ է աշակերտների համար,տարրական դպրոցում կա նաև ատամների լվացման հատված : Եթե Արտենիի թիվ 1 միջնակարգ դպրոցում հիմնախնդիր է մարզադահլիճի ու նիստերի դահլիճի վերանորոգումը, ապա գյուղի մյուս թիվ 2 հիմնական դպրոցը, կարելի է ասել` լրիվ անտեսված է: Աչք շոյողն այնտեղ միայն լավ մաքրությունն է, չնայած հնությանն ու ու խարխուլ առաստաղներին: Դպրոցում սովորում է 112 աշակերտ: Տնօրեն Սվետլանա Հոբոսյանը նշեց, որ մասամբ փոխվել են պատուհանները, մնացածները պատված էին պոլիէթիլենային թաղանթով, իսկ լոկալ ջեռուցումն էլ խնդիրներ է առաջացրել` թեպետ 5 տարվա գործարկմանը:
Արտենիի թիվ 2 հիմնական դպրոցն արդեն 60 տարեկան է և հիմնանորգման խիստ կարիք ունի, որը նախատեսվել է, ամենայն հավանականությամբ, իրականացնել այս տարում:
