Նիդեռլանդներում մարդատար գնացքը դուրս է եկել ռելսերից, որում մոտ 50 մարդ է եղել։ Ինչպես հայտնում է BBC-ն, գնացքը բախվել է շինարարական կռունկին, որը եղել է երկաթուղու գծերի վրա։
Բախումից հետո գնացքի առաջին վագոնը ռելսերից դուրս է եկել և բախվել գետնին, երկրորդն ընկել է կողքի վրա, իսկ երրորդ վագոնում հրդեհ է բռնկվել։
Ըսռ Reuters-ի՝ վթարի պատճառով 1 մարդ է զոհվել, 30-ը՝ վիրավորվել են։
Հոլանդիայի NOS հանրային հեռարձակողի տվյալներով՝ միջադեպը տեղի է ունեցել տեղական ժամանակով 15:30-ի սահմաններում։
Տեղի փրկարար ծառայությունները հայտնում են, որ մի քանի մարդ լուրջ վնասվածքներ է ստացել։
Մարդատար գնացքը Հաագայից ուղևորվել է Լեյդեն քաղաք, իսկ վթարը տեղի է ունեցել Վորշոտեն քաղաքի մոտ։
Դեպքի վայրում են շտապօգնության ծառայությունները։
