Թուրքական վեց ընդդիմադիր կուսակցությունների դաշինքը (Ժողովրդական դաշինք) չի կարողացել կողմնորաշվել նախագահական ընտրություններին միասնական թեկնածու առաջադրելու հարցում, հայտնում է A Haber հեռուստաալիքը։
Նշվում է, որ քաղաքական գործիչները նախատեսում են մարտի 6-ին եւս մեկ հանդիպում անցկացնել՝ քննարկելու այդ հարցը։
A Haber-ը գրում է, որ հնարավոր չի եղել մեկ թեկնածու հաստատել այն պատճառով, որ «Լավ կուսակցության» նախագահ Մերալ Աքշեները դեմ է արտահայտվել գլխավոր ընդդիմադիր Ժողովրդահանրապետական կուսակցության առաջնորդ Քեմալ Քըլըչդարօղլուի թեկնածությանը։
Թուրքիայի նախագահի և նոր խորհրդարանի կազմի ընտրությունները պետք է անցկացվեն հունիսի 18-ից ոչ ուշ։ Չորեքշաբթի Էրդողանը հաստատել է քվեարկությունը մայիսի 14-ին տեղափոխելու իր մտադրությունը։ Այդ կապակցությամբ ակնկալվում է, որ մարտի 10-ին կամ 11-ին նա կհայտարարի քվեարկության պաշտոնական օրը։ Դրա հաստատման համար կպահանջվի կամ խորհրդարանի հավանությունը, կամ նախագահի առանձին հրամանագիրը։
