ՀՀ վարչապետ Նիկոլ Փաշինյանը շնորհավորել է Խրիստոդուլիդեսին Կիպրոսի նախագահ ընտրվելու առիթով:
«Հարգելի Նիկոս Խրիստոդուլիդես, ցանկանում եմ իմ ջերմ շնորհավորանքները հղել Ձեզ՝ Կիպրոսի Հանրապետության 8-րդ նախագահ ընտրվելու կապակցությամբ։
Հայաստան-Կիպրոս հարաբերությունները խորանում են փոխադարձ հետաքրքրություն ներկայացնող բոլոր ոլորտներում՝ երկկողմ և բազմակողմ ձևաչափերում, և Դուք այդ հարցում հսկայական ներդրում ունեք»,- Թվիթերի իր էջում գրել է Նիկոլ Փաշինյանը։
Կիրակի օրը կայացած քվեարկության երկրորդ և վերջին փուլում Կիպրոսի նախագահ է ընտրվել Նիկոս Խրիստոդուլիդեսը։
Կիպրոսի ԱԳ նախկին նախարարը հավաքել է 51,9 տոկոս աջակցություն երկրորդ փուլի քվեարկության ժամանակ: Երդմնակալության արարողությունը տեղի կունենա կիրակի երեկոյան:
