Հայաստանի վարչապետը կմեկնի Թեհրան

Հայաստանի վարչապետ Նիկոլ Փաշինյանը նոյեմբերի 1-ին, քաղաքական և տնտեսական պատվիրակության գլխավորությամբ կայցելի Թեհրան, հայտնում է ԻՌՆԱ գործակալությունը։

Ինչպես հայտնում է աղբյուրը՝  Հայաստանի վարչապետի այցն իրականացվում է Իրանի  նախագահ այաթոլլա Սեյեդ Էբրահիմ Ռաիսիի պաշտոնական հրավերով։

Վաղն առավոտյան Սաադաբադի մշակութային-պատմական համալիրում Փաշինյանին պաշտոնապես կդիմավորի Իրանի Իսլամական Հանրապետության նախագահը, իսկ երկու երկրների ղեկավարների բանակցություններից հետո կկայանա բարձրաստիճան պատվիրակությունների համատեղ հանդիպում։

Թեհրանի և Երևանի իշխանությունների միջև կստորագրվեն համագործակցության փաստաթղթեր։