Կեսգիշերին Ատրպէյճանի զինուած ուժերու ստորաբաժանումները տարբեր տրամաչափի հրաձգային զինատեսակներէն , ինչպէս նաև ականանետերէն, կրակած են հայ-ատրպէյճան սահմանի արեւելեան ուղղութեամբ տեղակայուած հայկական դիրքերու ուղղութեամբ, կը հաղորդէ Պաշտպանութեան նախարարութիւնը:
Բարեբախտաբար հայկական կողմէն կորուստներ չկան։ Երեւանի մէջ 20-21 Հոկտեմբերին տեղի կ՛ունենայ Եւրասիական միջկառավարական խորհուրդի հերթական նիստը, այդ առիթով Հայաստան կը ժամանեն ԵԱՏՄ Եւրասիական տնտեսական միութեան անդամ պետութիւններու կառավարութիւններու ղեկավարները:
Պաշտօնական Երեւանի հրաւէրով ԵԱՀԿ Եւրոպայի անվտագութեան եւ համագործակցութեան կազմակերպութիւնը կարիքներու գնահատման խումբ մը պիտի գործուղէ Հայաստան: Փորձագէտները Հայաստան պիտի ժամանեն 21 Հոկտեմբերին մէկ շաբաթով: Առաքելութեան նպատակը սահմանի որոշակի հատուածներուն իրավիճակը գնահատելն է:
