Ադրբեջանը չի կատարել մինչև սեպտեմբերի 30-ը հայ գերիներին վերադարձնելու իր պարտավորությունը, ասել է Հայաստանի Անվտանգության խորհրդի քարտուղար Արմեն Գրիգորյանը։
Սեպտեմբերի 27-ին ԱՄՆ նախագահ Ջո Բայդենի ազգային անվտանգության հարցերով խորհրդական Ջեյք Սալիվանի նախաձեռնությամբ տեղի է ունեցել Արմեն Գրիգորյանի և Ադրբեջանի նախագահի օգնական Հիքմեթ Հաջիևի եռակողմ հանդիպումը։
«Այս հանդիպման ընթացքում ձեռք բերված եռակողմ պայմանավորվածության հիման վրա Ադրբեջանը պետք է մինչև սեպտեմբերի 30-ը ազատ արձակեր սեպտեմբերյան ագրեսիայի ժամանակ գերեվարված 17 հայ ռազմագերիներին։ Թույլ տվեք հստակեցնել, որ Ադրբեջանը հերթական անգամ չի կատարել իր պարտավորությունները»,- ասում է Արմեն Գրիգորյանը։
