ՀՀ կառավարության նիստի սկզբում կառավարության անդամները մեկ րոպե լռությամբ հարգել են Ադրբեջանի ռազմական գործողությունների պատճառով զոհված զինծառայողների հիշատակը։
Վարչապետ Նիկոլ Փաշինյանը առողջություն է մաղթել վիրավոր զինծառայողներին։
Օգոստոսի 3-ին` ժամը 09։00-ից սկսած, ադրբեջանական ստորաբաժանումները, կոպտորեն խախտելով հրադադարի պահպանման ռեժիմը, թիրախավորել են ՊԲ մարտական դիրքերն ու զորամասերից մեկի մշտական տեղակայման վայրը՝ բացի տարբեր տրամաչափի հրաձգային զինատեսակներից կիրառելով նաև ականանետներ, նռնականետեր և հարվածային ԱԹՍ-ներ, ինչի հետևանքով մահացու վիրավորում են ստացել ՊԲ պայմանագրային զինծառայողներ Գուրգեն Գալերիի Գաբրիելյանը և Արթուր Յուրիի Խաչատրյանը:
