Հայաստանում որակն ու գինը համարժեք չեն. պատճառը անհավասար մրցակցությունն է

Աիդա Ավետիսյան
«Ռադիոլուր»

Այսօր նշվում է որակի ապահովման միջազգային օրը, որի շրջանակներում Հայաստանի գործատուների հանրապետական միությունը ներկայացրել է ապրանքների որակի բարելավման իրենց ցուցանիշները: Ըստ միության նախագահի` այսօր Հայաստանում որակն ու գինը հեռացած են իրարից, քանի որ գործում են անհավասար մրցակցային դաշտում։ Նրա խոսքով` դաշտը կբարելավվի, եթե կառավարությունը մշակի հատուկ ռազմավարություն:

Մեր հանրապետությունում որակը դեռևս համակարգված չի բարելավվում և պետական ու ոչ պետական կառույցների ուշադրությունն էլ  դեռևս սևեռված չէ հարցի վրա, այսօր լրագրողների հետ հանդիպման ժամանակ հայտարարեց  Հայաստանի գործատուների հանրապետական միության նախագահ  Գագիկ Մակարյանը: Որակի ապահովման հարցում ամենամեծ խնդիրը, ըստ Մակարյանի, տնտեսության մեջ անհավասար մրցակցությունն է:

Հացի թանկացումը աղմկոտ էր և մեծ ուշադրություն գրավեց հանրության շրջանում,  ավելորդ հարվածներից խուսափելու , որակի մեջ իրենց  եկամուտների լրացուցիչ հնարավորությունները գտնելու և իրենց մրցունակությունը ապահովելու  համար հացի գործարանները թերակշռելու,  թերեփման և ավելի ցածրորակ հումքի օգտագործման ճանապարհով արդեն իսկ գցում են իրենց որակը:

Մակարյանի խոսքով` միայն ստանդարտներն ու մրցանակաբաշխությունները բավարար չեն: Սա գլոբալ խնդիր է  և անհրաժեշտ է գլոբալ պայքար: Սննդի անվտանգության մրցակցային հանձնաժողովի կողմից իրականացվող ստուգումներն էլ է Մակարյանը անարդյունավետ համարում և  դրա վառ ապացույցը բերում է  մեկ տարի առաջ տուգանված 20 պանրագործներին (տես այստեղ։

Մեր հանրապետությունում, ըստ Հայաստանի գործատուների հանրապետական միության նախագահի, որակյալ արտադրողների շահույթը քիչ է, քանի որ որակ և գին հասկացողությունն իրարից հեռացած են։ Պանրագործները խուսափեցին գնի բարձրացումից, էժանացրերցին գինը, սակայն դա չի նշանակում, որ նրանք տալիս են որակյալ արտադրանք, վստահեցնում է բանախոսը:

Հայաստանը,  Մակարյանի ձևակերպմամբ, իր մրցունակությունը պետք է  ստեղծի հավելյալ արժեքների միջոցով և մատնանշում ուղին`  նոր որակով շուկաներում հանդես գալ:  Հայաստանում իրականացվում են  որակին նվիրված մրցանակաբաշխություններ, բայց միևնույնն է, որակը դրանից չի բարձրանում, ավելին՝ մեր սպառողը  արտադրանքի որակը ճիշտ հասկանալու և արտադրանքի չափորոշիչները կարդալու կարիքն ունի:

Կառավարությունը որակի վերաբերյալ ռազմավարություն պետք է  մշակի: Որակի ռազմավարությունը պետք է սկսվի հավասար մրցակցություն հաստատելու, սպառողին և արտադրողին կրթելու ճանապարհով, նշում է Հայաստանի գործատուների հանրապետական միության նախագահը և հավաստիացնում, որ հակառակ դեպքում մենք մեր ուզած որակը չենք ստանա: Մակարյանը վստահեցնում  է, որ միշտ կլինեն որակը շրջանցողներ, անհավասար մրցակցությունից օգտվողներ։

Միության փորձագետ Գագիկ Սարգսյանի խոսքով` արտադրելը այսօր խնդիր չէ, որակյալ արտադրանք տալն է խնդիր:   Որոշակի ակցիաների տեսքով կատարվում են մրցանակաբաշխություններ, սակայն շուկայում  վերջին հինգ տարիներին  նույն ապրանքն է արժանանում մրցանակի: Սա մտորելու տեղիք է տալիս, բարձրաձայնեց փորձագետն ու հավելեց, որ սա ապացուցում է, որ մրցակցային դաշտ գոյություն չունի։ «Իմ կարծիքով՝ այսօր ձեռնարկությունները բավարար մրցակցային դաշտ ձևավորելու համար պետք է իրենց արտադրանքի և’ սերտիֆիկացման,  և’ որակի բարելավման մասին  մտածեն»,- ասաց։

Արտադրանքը արտահանելու համար մեր սպառողները պետք է սովորեն համապատասխան շուկաների համար ինչ չափանիշներով պետք է  ներկայանալ: Սակայն միաժամանակ վստահեցնում է, որ Հայաստանում կան ընկերություններ, որոնց արտադրանքը միջազգային շուկաներում արժանացել է մրցանակի։