Այսօր՝ մարտի 22-ին, ՀՀ ԱԺ-ը սկսում է ութերորդ գումարման երրորդ նստաշրջանի աշխատանքը։ Օրակարգում ընդգրկված է 23 հարց։ Առաջին բաժնում ընդգրված հարցերը քննարկվելու են երկրորդ ընթերցմամբ։
Այսօր նիստի երկրորդ մասում կքննարկվի «Քրեական օրենսգրքում լրացում կատարելու մասին» եւ «Քրեական դատավարության օրենսգրքում լրացում կատարելու մասին» օրենքների նախագծերի փաթեթը: Այս նախագիծը հեղինակել են ընդդիմադիր «Հայաստան» խմբակցության պատգամավորները:
Կքննարկվի «Պատիվ ունեմ» խմբակցության հեղինակած՝ «Արցախի Հանրապետությունում ստեղծված հումանիտար իրավիճակը, սպառնալիքները եւ հրատապ անելիքները» հասարակական հետաքրքրություն ներկայացնող թեմայով հրատապ քննարկում անցկացնելու մասին հարցը:
