Արագածոտնի մարզպետ Սերգեյ Մովսիսյանն ընդունել է «Երևանյան հեռանկարներ» միջազգային երաժշտական փառատոնի ներկայացուցիչներին։ Հանդիպմանը մասնակցել են մարզպետի խորհրդական Արմեն Գրիգորյանը և մշակույթի և սպորտի բաժնի պետ Սաթենիկ Ավոյանը։
«Երևանյան հեռանկարներ»֊ի ներկայացուցիչները խոսել են այս տարվա ամռանը նախատեսվող միջազգային մեծ փառատոնի կազմակերպական աշխատանքների մասին` ընդգծելով, որ ակնկալում են մարզպետարանի գործուն աջակցությունը։
Եռօրյա փառատոնը կանցկացվի երևանամերձ ու գեղատեսիլ Արագածոտնում` համախմբելով հայ և արտասահմանցի մշակութասերներին։ Ինչպես նշել է փառատոնի գլխավոր մենեջեր Սոնա Հովհաննիսյանը` նախատեսվում է համաշխարհային աստղերի և մի քանի տասնյակ հազարի հասնող մարդկանց մասնակցությունը։
Սերգեյ Մովսիսյանը կարևորել է լայնամասշտաբ մշակութային միջոցառումների անցկացումն ու նշել, որ մարզպետարանը կներդնի բոլոր ջանքերը` միջոցառման կազմակերպիչներին լավագույնս աջակցելու հարցում։ Ձեռք է բերվել համագործակցությունը գործնական դարձնելու պայմանավորվածություն։ Կողմերը առաջիկայում կրկին կհանդիպեն` փառատոնի անցկացման վայրն ընտրելու, միջոցառման օրակարգն ուրվագծելու և մանրամասները քննարկելու նպատակով։
