Կառավարության սուբվենցիոն ծրագրով(2021թ. ), Բերդի համայնքապետարանի համաֆինանսավորմամբ, Բերդ համայնքի 11 բնակավայրում՝ Բերդում, Վարագավանում, Վերին Ծաղկավանում, Չինչինում, Տավուշում, Նավուրում, Արծվաբերդում, Չինարիում, Չորաթանում, Նորաշենում և Վերին Կարմիրաղբյուրում, այս օրերին գիշերային լուսավորության համակարգի կառուցման աշխատանքներ են իրականացվում:
Ծրագրի շրջանակում նախատեսված է նաև Բերդ քաղաքի երկու ամենաբանուկ խաչմերուկներում նոր լուսացուցային համակարգերի տեղադրում, ինչը էականորեն կբարձրացնի երթևեկության անվտանգությունը՝ և՛տրանսպորտային միջոցների, և՛ հետիոտնի համար:
Ծրագրի ընդհանուր արժեքը 259 992 000 ՀՀ դրամ է, որից կառավարության ներդրումը կազմում է 168 994 800 ՀՀ դրամ (65 %), Բերդի համայնքապետարանի ներդրումը՝ 90 997 200 ՀՀ դրամ (35 %):
