Ամերիկայի պետական քարտուղար, Եվրոպայի եւ Եվրասիոյ գործերով նորանշանակ փոխ տեղակալ՝ Էրիքա Օլսոն պիտի այցելէ Հայաստան, Ատրպէյճան եւ Վրաստան, տարածաշրջանային համագործակցութիւնը խթանելու եւ երկկողմ հարցեր քննարկելու նպատակով։ Երեւանի մէջ Օլսոն նոյեմբերի 2-4-ը պիտի մասնակցի հարաւ-կովկասեան տարածաշրջանի Ամերիկայի առաքելութիւններու ղեկավարներու համաժողովին։ Կը յայտնեն Հայաստանի մէջ Ամերիկայի դեսպանատունէն ։
Կլասկոյի մէջ ՄԱԿ-ի՝ Կլիմայի փոփոխութեան 26-րդ համաժողովի երկրորդ օրը՝ Նոյեմբեր 2-ին, նախատեսուած է նաեւ Հայաստանի Հանրապետութեան նախագահ Արմէն Սարգսեանի ելոյթը: Իսկ մինչ այդ նախագահը գագաթաժողովի շրջանակներուն մէջ զրոյցներ ունեցած է Ամերիկայի նախագահ Ճօ Պայտընին , Ֆրանսայի նախագահ էմանուէլ Մաքրոնին եւ այլ ղեկավարներու հետ։
«Հայահաւաք» նախագիծին պիտի հրաւիրուին հանրայայտ հայազգի խմբավարներ ու մենակատարներ ։ Նոյեմբերի 7-ին, ժամը 19:00 Հայաստանի պետական կամերային նուագախումբի գեղարուեստական ղեկավար՝ Վահան Մարտիրոսեան եւ սուրիահայ խմբավար Միսաք Պաղպուտարեան համերգով հանդէս պիտի գան։
