Երկու հայ գերիներ վերադարձան Հայաստան Ռուսաստանի Դաշնութեան խաղաղապահ զորախումբի հրամանատար՝ Ռուստամ Մուրատովի միջնորդութեամբ։ Վերադարձած 2 քաղաքացիները Յուլիս 14-ին Սեւ լիճի տարածքէն անհետացած զինծառայողներ Արթուր Նալպանտեանն ու Արամայիս Տոռոզեանն են:
Այսօր Կառավարութեան նիստի սկիզբը վարչապետ Նիկոլ Փաշինեան նշեց, որ վարչապետի պաշտօնին վերանշանակուելէն յետոյ հասցուցած է այցելել Իրան, այսօր ալ կը մեկնի Վրաստան:
«Մեզի համար չափազանց կարեւոր է նաեւ երկաթուղային կապի հաստատումը Ռուսաստանի եւ Իրանի հետ: Այս խնդիրը լուծելու համար Հայաստան-Ռուսաստան-Ատրպէյճան եռակողմ ձեւաչափով կը քննարկենք հաղորդակցութեան վերաբացման հարցը»,- նշեց վարչապետը:
Լիբանանահայ Զաքար Քէշիշեան հաւատքով ու վստահութեամբ վերստին Արցախի մէջ կը գտնուի։
«Որքան ալ որ դաժան ըլլայ ճակատագիրը, պարտաւոր ենք ապրիլ եւ արարել, թշնամիի աչքին առջեւ վերակառուցենք եւ զօրացնենք մեր երկիրը, այն դարձնենք ծաղկուն ու բարգաւաճ, որպէսզի մեր բազում նահատակներու թափած արիւնը անօգուտ վատնուած չըլլայ »,-ըսած է յայտնի խմբավար՝ Զաքար Քէշիշեան:
