Ստոկհոլմում ՀՀ դեսպանությունում տեղի ունեցավ Շվեդիայի խորհրդարանի պատգամավոր, Շվեդիա-Հայաստան խորհրդարանական բարեկամական խմբի անդամ Բյորն Սյոդերի, նույն խմբի ղեկավար Արին Կարապետի, Շվեդիայի խորհրդարանի պատգամավոր Մարկուս Վեյխելի եւ Շվեդիայի խորհրդարանի միջազգային հարցերով խորհրդական Մարտին Բրոզեկի պարգեւատրման արարողությունը։
Դեսպան Ալեքսանդր Արզումանյանը պատգամավոր Սյոդերին հանձնեց ՀՀ նախագահի հրամանագրով նրան շնորհված Մխիթար Գոշի մեդալը, իսկ պատգամավորներ Արին Կարապետին, Մարկուս Վեյխելին եւ Շվեդիայի խորհրդարանի միջազգային հարցերով խորհրդական Մարտին Բրոզեկին հանձնվեցին նրանց շնորհված ՀՀ ԱԺ Պատվո մեդալները։
