Ռուսաստանի ներդրումը Լեռնային Ղարաբաղում ռազմական գործողությունների դադարեցման հարցում որոշիչ է եղել, հայտարարել է ՌԴ նախագահ Վլադիմիր Պուտինը:
«Ռուսաստանի վճռական ներդրմամբ Լեռնային Ղարաբաղում հակամարտությունը դադարեցվեց: Ռուս խաղաղապահները հուսալիորեն երաշխավորում են տարածաշրջանում խաղաղությունն ու անվտանգությունը, շատ բան են անում մարդասիրական իրավիճակը բարելավելու, տարածքներ ականազերծելու և սոցիալական ենթակառուցվածքները վերականգնելու համար:
Ռուսաստանը երբեք չի մոռանում այն պատասխանատվության մասին, որը կրում է հարևան երկրների անվտանգության և բարգավաճման համար, որի հետ մեզ միավորում են պատմական, մշակութային և մարդկային անքակտելի կապերը», — ասել է ՌԴ նախագահը չորեքշաբթի Կրեմլի կայքում հրապարակված միջազգային անվտանգությանը նվիրված Մոսկվայի IX համաժողովի մասնակիցներին և հյուրերին ուղղված տեսաուղերձում:
