Սկսել ենք քարոզարշավով, բայց ավարտում ենք հաղթարշավով՝ Հանրապետության հրապարակում «Հայաստան» դաշինքի քարոզարշավի եզրափակիչ հանրահավաքի ժամանակ հայտարարել է ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը։
Նրա խոսքով՝ երկրի առաջ 4 հիմնական խնդիր է ծառացած․
- Երկրի պաշտպանությունն ու սահմանների անվտանգությունը
- Արցախի ապագան
- Տնտեսական դժվար իրավիճակը
- Ներքաղաքական լարված մթնոլորտը
«Մենք այն ուժն ենք, որը կարող է լուծել այս խնդիրները»,- ասել է Ռոբերտ Քոչարյանը և հանրահավաքի մասնակիցներին կոչ արել մասնակցել հունիսի 20-ի ընտրություններին։
Ելույթից հետո Քոչարյանը բեմ է հրավիրել ընտանիքի անդամներին։ Հանրահավաքը եզրափակվել է Սիրուշոյի երգով և երթով։
