Եվրախորհրդարանի պատգամավոր Ֆրանսուա-Քսավիե Բելամին իր ֆեյսբուքյան էջում գրել է.
«Մեծ ուրախություն է լինել Հայաստանում, վերահաստատել այն բացարձակ աջակցությունը, որը մենք պարտական ենք այս խիստ փորձություններով անցած երկրին և տոնել հարությունյան տոնը այս մարդկանց հետ, ովքեր բոլորից լավ գիտեն, թե ինչ է նշանակում հույս. Այս հույսն է, որ մաղթում եմ ձեզանից յուրաքանչյուրին. Շնորհավոր Սուրբ Զատիկ»
Ապրիլի 4-ին Ն.Ս.Օ.Տ.Տ Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ էջմիածնում ընդունել էր Եվրախորհրդարանի պատգամավոր Ֆրանսուա-Քսավիե Բելամիին և պատգամավորի գործընկեր Ժիսլեն Ֆրնաքվիլին՝ ՀՀ-ում Ֆրանսիայի Հանրապետության արտակարգ և լիազոր դեսպան Ժոնաթան Լաքոտի ուղեկցությամբ։
Նույն օրը առավոտյան ֆրանսիացի հյուրերը Երևանի Ս․ Գրիգոր Լուսավորիչ մայր եկեղեցում ներկա էին գտնվել Հայրապետական Ս․ Պատարագին։
