ՀՀ բարձր տեխնոլոգիական արդյունաբերության նախարարությունը վերսկսել է Կորոնավիրուսի տնտեսական հետևանքների չեզոքացման 17-րդ միջոցառման ծրագրի շրջանակներում դրամաշնորհների տրամադրման գործընթացը։
Մարտի 17-ից մեկնարկել է նախագծերի ներկայացման փուլը։
- Նորարարական դրամաշնորհների համար մրցում են 23 ընկերություններ։
- Կայացած ընկերությունների դրամաշնորհների համար պայքարում են 38 ընկերություններ:
Մինչև մարտ 23-ը ընկերությունները ժյուրիին կներկայացնեն իրենց ծրագրերը:
Հաղթող կազմակերպությունների հետ մինչև մարտի 30-ը կկնքվեն դրամաշնորհային պայմանագրեր։
Այս միջոցառման նպատակն է օժանդակել բարձր տեխնոլոգիաների ոլորտի առանձին տնտեսավարողների մոտ առաջացած դժվարությունների հետևանքով արդյունավետ աշխատատեղերի պահպանությանը, ինչպես նաև խթանել ոլորտում նորարարական գաղափարների իրագործմանը և առևտրայնացմանը։
