Հայաստանի վարչապետ Նիկոլ Փաշինեան Սիսիանի քաղաքային պանթէոնին մէջ յարգանքի տուրք մատուցեց հերոսներու հիշատակին։ Սիւնիք գալու որոշումը վարչապետը կայացուցած է սիւնեցիներուն հանդէպ յարգանքի և գնահատանքի տուրք մատուցելու և անոնց հարցերուն պատասխանելու նպատակով։
Այսօր վաղ առաւօտէն Սիւնիք մարզի բնակիչները փակած էին մարզի ճամբան՝ վարչապետի մուտքը արգիլելու նպատակով։ Հայաստանի Պաշտպանութեան նախարարութիւնը յայտնեց, որ Գորիս-Կապան ճանապարհի 21 քիլոմեթր հատուածի որոշը կ՛անցնի վիճարկելի տարածքով։
Ազգային անվտանգութեան ծառայութենէն ալ յայտնած են, որ Սիւնիքի մարզի Գորիս-Կապան միջ-պետական ճանապարհի Որոտան-Դավիթ Բէկ հատուածին վրայ հայ և ատրպէյճանցի սահմանապահներու կողմէն, ռուս գործընկերներու հետ համագործակցութեամբ, կ՛իրականացուին սահմանապահ վերակարգերու տեղակայման աշխատանքները:
70 օր անյայտացումէ ետք հայրենիք վերադարձան 6 զինծառայողներ։ Թշնամիի վերահսկողութեան տակ անցած տարածքներուն մէջ իրականացուող որոնողական աշխատանքներու արդիւնքով՝ Արցախի արտակարգ իրավիճակներու պետական ծառայութեան, Արցախի մէջ խաղաղապահ առաքելութիւն իրականացնող ռուսական զորակազմի և Կարմիր խաչի միջազգային կոմիտէյի ջանքերով աւելի քան 70 օր անյայտութեան մէջ գտնուող ժամկէտային 6 զինծառայողներ վերադարձան հայրենիք։
