Հայաստանի Ազգային Պոլիտեխնիկական համալսարանի ուսանողական խորհուրդը կոչ է անում որոշումներ կայացնելիս հաշվի առնել ուսանողության ձայնը, քանզի ուսանողն է հանդիսանում կրթության հիմնական շահառուն:
Այսպիսին էր ՀԱՊՀ ուսանողական խորհրդի արձագանքը ՀՀ կառավարության կողմից դեկտեմբերի 3-ին «Բարձրագույն կրթության և գիտության» ՀՀ օրենքի նախագծի հաստատման մասին:
Ուսանողական խորհուրդը իր խորը մտահոգությունն է հայտնում օրենքի նախագծի մի քանի հոդվածների մասին, տեղեկացնելով, որ այն սպառնալիք է ուսանողության իրավունքներին ոչ միայն հիմա, այլ նաև ապագայում։
