Արցախի քաղաքացիների համար սայլակ, քայլակ, հենակ և այլ աջակցող միջոցներ ստանալու համար այսուհետ կարիք չկա բժշկական կենտրոնից եզրակացություն ներկայացնել․ ընթացակարգը պարզեցվել է նախարարի հրամանով։ Այս մասին հայտնում են ՀՀ աշխատանքի և սոցիալական հարցերի նախարարությունից:
Նշվում է, որ այժմ հնարավոր կլինի գնահատել կարիքն ու տալ եզրակացություն` Բուժտեխնիկական հանձնաժողով (հասցե՝ Ծարավ Աղբյուրի 55 ա) ներկայացնելով միայն դիմում և անձը հաստատող փաստաթուղթ։
Հանձնաժողովի դրական եզրակացության դեպքում քաղաքացուն անմիջապես կտրամադրվի անհրաժեշտ միջոցը ձեռք բերելու հավաստագիր։
