Երևանի ընդհանուր իրավասության դատարանը բավարարել է ՀՀԿ խոսնակ Էդուարդ Շարմազանովին ձերբակալելու որոշման դեմ բողոքը՝ ոչ իրավաչափ ճանաչելով այն։ Այս մասին Ֆեյսբուքի իր էջում գրել է Էդուարդ Շարմազանովի օգնական Գեղամ Պետրոսյանը։
«Շարմազանովին ազատ արձակեցին։ Դատարանը ոչ իրավաչափ է ճանաչել ձերբակալությունը»,- գրել է Պետրոսյանը։
Էդուարդ Շարմազանովը ձերաբակալվել ՀՀ քրեական օրենսգրքի 225.1-րդ հոդվածի 1-ին մասի կասկածանքով։
Դատարանից ազատ է արձակվել ԲՀԿ առաջնորդ Գագիկ Ծառուկյանը: Այս մասին իր ֆեյսբուքյան էջում գրել է նրա փաստաբան Երեմ Սարգսյանը:
Երեւան քաղաքի ընդհանուր իրավասության դատարանը ոչ իրավաչափ ճանաչեց ՀՅ Դաշնակցության Հայաստանի Գերագույն մարմնի (ՀՅԴ ԳՄ) ներկայացուցիչ Իշխան Սաղաթելյանի ձերբակալումը։ Այս մասին հայտնել է Սաղաթելյանի փաստաբան Լուսինե Սահակյանը։
